Tonight is one of the most important nights in the Scottish calendar, Burns Night (Rabbies nict)
The Selkirk Grace
Some hae meat and canna eat,
And some wad eat that want it;
But we hae meat, and we can eat,
Sae let the Lord be thankit.
In tribute to the bard, one of my favourites
========================
Whare are you gaun, my bonie lass,
Whare are you gaun, my hinnie?
She answered me right saucilie,
"An errand for my minnie."
O whare live ye, my bonie lass,
O whare live ye, my hinnie?
"By yon burnside, gin ye maun ken,
In a wee house wi' my minnie."
But I foor up the glen at e'en.
To see my bonie lassie;
And lang before the grey morn cam,
She was na hauf sae saucie.
O weary fa' the waukrife cock,
And the foumart lay his crawin!
He wauken'd the auld wife frae her sleep,
A wee blink or the dawin.
An angry wife I wat she raise,
And o'er the bed she brocht her;
And wi' a meikle hazel rung
She made her a weel-pay'd dochter.
O fare thee weel, my bonie lass,
O fare thee well, my hinnie!
Thou art a gay an' a bonnie lass,
But thou has a waukrife minnie.
========================
Thats me, Awa fur a reekin halal haggis an a dram, an a haver wi ma wifie
Topic: Scots Wha Hae: Blue Bonnets, Sluagh-Gairm! (Read 2340 times)
November 01, 2010, 04:29:46 PM